टी–२० विश्वकपमा नेपालको ओपनिङ जोडी परिवर्तन सम्भव छ
जेष्ठ १९, २०८१
काठमाडौ । आईसीसी टी–२० विश्वकप अघि ओपनर आसिफ शेख र कुशल भुर्तेलको खराब लय नेपाललाई चिन्ताको विषय बनेको छ । पछिल्लो ६ महिनायता प्रदर्शन कमजोर रहे पनि २०२१ देखि निरन्तर टोलीमा रहँदै आएका ओपनर कुशल र आसिफलाई नेपालले विश्वकपमा निरन्तरता दियो ।
तर, दुवैले आफ्नो लय समाउन सकेका छैनन् । त्यसको असर समग्र टोलीको ब्याटिङ र प्रदर्शनमा परेको छ । सन् २०२३ नोभेम्बर यता १६ टी–२० आई खेलमा कुशलको प्रदर्शन २६, ११, ३१, ०, ०, १२, २०, २, ५९, ५, २४, १२, ३२, ०, ०, ० रन छ ।
गत मे घरेलु मैदान टीयुमा वेस्टइन्डिज ए’विरुद्ध टी–२० खेलमा कुशलले १६, २, १, १३ रन तथा क्यानडासँग वार्मअप खेलमा १० रनमात्र जोडे ।
