पहाडी क्षेत्रमा मौसम आंशिक बदली
जेष्ठ २, २०८१
काठमाण्डौ । आज बाग्मती, गण्डकी, लुम्बिनी र कर्णाली प्रदेशसहित देशका पहाडी क्षेत्रमा मौसम आंशिक बदली छ । कोशी र गण्डकी प्रदेशका पहाडी एकरदुई ठाउँमा आज दिउँसो मेघगर्जन, चट्याङ र हावाहुरीसहित हल्का वर्षाको सम्भावना छ । मधेश प्रदेशसहित अरु बाँकी भागमा मौसम सफा नै रहेको मौसम पूर्वानुमान महाशाखाले जनाएको छ ।
नेपालमा स्थानीय वायु र पश्चिमी वायुको आंशिक प्रभाव छ । भारतको बिहार आसपास बनेको न्यूनचापीय प्रणालीको प्रभाव हटेको र मौसम सुधार हुँदै गएको मौसमविद् सञ्जीव अधिकारीले जानकारी दिनुभयो ।
