रोड्रिगोको २ गोलमा रियल विजयी
चैत्र १९, २०८०
रोड्रिगोको २ गोलमा रियल विजयी
काठमाडौं । रोड्रिगोको दुई गोलमा शीर्ष स्थानको रियल मड्रिडले स्पानिस ला लिगामा एथ्लेटिक विल्वाओलाई २(० ले पराजित गरेको छ ।
घरेलु मैदानमा भएको खेलमा रोड्रिगोले दुवै हाफमा एक(एक गोल गरे । उनले आठौं मिनेटमा ब्राहिम डियाजको पासमा गोल गर्दै रियललाई अग्रता दिलाएका थिए । ७३औं मिनेटमा जुड बेलिङघहमको पासमा रोड्रिगोले व्यक्तिगत दोस्रो गोल गर्दै रियलको अग्रता दोब्बर पारे । त्यसपछि खेलमा थप गोल भएन ।
जितपछि रियलले ३० खेलबाट ७५ अंक जोडेको छ र दोस्रो स्थानको बार्सिलोनामाथि पुनस् ८ अंकको अग्रता बनाएको छ । समान खेलबाट बार्सिलोनाको ६७ अंक छ ।
