काठमाण्डौ । दोस्रो टेस्ट क्रिकेटमा भारतले इङ्ल्यान्डलाई १ सय ६ रनको फराकिलो अन्तरले हराएको छ ।
विशाखापटनमा जितका लागि ३ सय ९९ रनको लक्ष्य पछ्याएको इङ्ल्यान्ड चौथो दिनको चिया समयअघि २ सय ९२ रन बनाउँदा अल आउट भयो । इङ्ल्यान्डका ज्याक क्रलीले ७३ रन बनाए । भारतका जसप्रित बुमराह र रविचन्द्रन अश्विनले समान ३ विकेट लिए ।
दोस्रो इनिङ्समा भारत २ सय ५५ रनमा अल आउट भएको थियो । भारतका शुभमन गिलले शतक बनाए । इङ्ल्यान्डका टस हार्टलीले ४ र रेहान अहमदले ३ विकेट लिए ।
यसअघि टस जितेर ब्याटिङ गरेको भारतले पहिलो इनिङ्समा ३ सय ९६ रन बनाएको थियो । भारतका यशस्वी जयसवालले दोहोरो शतक बनाए । इङ्ल्यान्डका जेम्स एन्डरसन, सोएब बशिर र रेहान अहमदले समान ३ विकेट लिए ।
इङ्ल्यान्ड पहिलो इनिङ्समा २ सय ५३ रनमा समेटिन पुग्यो । इङ्ल्यान्डका ज्याक क्रलीले ७६ रन बनाए । भारतका जसप्रीत बुमराहले ६ विकेट लिए ।
यो जितसँगै भारतले ५ खेलको शृङ्खलामा १–१ को बराबरी गरेको छ । पहिलो खेल इङ्ल्यान्डले २८ रनले जितेको थियो । तेस्रो टेस्ट क्रिकेट फेब्रुअरी १५ देखि राजकोटमा शुरु हुनेछ ।
खेलकुदबाट थप समाचार
सन्दीप लामिछानेको मुद्दामा उच्च अदालतमा सुनुवाइ
क्रिकेट रंगशाला निर्माण सरकारको प्राथमिकतामा
आईपीएल क्रिकेटमा बेंगलुरुले पञ्जाबलाई ६० रनले हरायो
रियल म्याड्रिड च्याम्पियन्स लिगको फाइनलमा प्रवेश
पेट्रोलियम पदार्थको मूल्य घट्यो
सन्दीप लामिछानेको मुद्दामा उच्च अदालतमा सुनुवाइ
पहाडी क्षेत्रमा मौसम आंशिक बदली
क्रिकेट रंगशाला निर्माण सरकारको प्राथमिकतामा
गृहमन्त्री लामिछानेविरुद्ध मुद्दा दायर
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८