आरम्भ चौतारी लघुवित्तको नाफा ३९ प्रतिशत घट्यो
माघ १८, २०८०
आरम्भ चौतारी लघुवित्तको खुद नाफा ३९ प्रतिशतले घटेको छ । कम्पनीले सार्वजनिक गरेको दोस्रो त्रैमासिक वित्तीय विवरणअनुसार साउनदेखि पुस मसान्तसम्म खुद नाफा १ करोड २४ लाख रुपैयाँ छ । जबकि गत आर्थिक वर्षको यसै अवधिमा कम्पनीको खुद नाफा २ करोड ६ लाख रुपैयाँ थियो ।
कम्पनीको ब्याज आम्दानी घट्दा खुद नाफामा असर परेको देखिन्छ । गत आर्थिक वर्षको दोस्रो त्रैमासमा ३८ करोड २० लाख रुपैयाँ खुद ब्याज आम्दानी गरेकोमा यो वर्षको सोही अवधिमा ३४ करोड ४७ लाख रुपैयाँ आम्दानी गरेको छ । पुस मसान्तसम्म वितरणयोग्य नाफा भने २ करोड ४६ लाख रुपैयाँ छ ।
तत्कालीन आरम्भ र चौतारी लघुवित्त मिलेर बनेको यस कम्पनीको सेयर पूँजी ३६ करोड ७१ लाख रुपैयाँ छ । कम्पनीको वार्षिक प्रतिसेयर आम्दानी ६ रुपैयाँ ८० पैसा छ ।
कम्पनीको निष्क्रिय कर्जा सामान्य घटेको छ । गत वर्षको दोस्रो त्रैमाससम्म ४।६७ प्रतिशत रहेको निष्क्रिय कर्जा अहिले ४।६४ प्रतिशतमा झरेको छ । कम्पनीको प्रतिसेयर नेटवर्थ १४४ रुपैयाँ ३९ पैसा छ ।
