त्रिशुलीमा खसेको गाडी बाहिर निकालियो, सकुशल भनिएका चालक भेटिएनन्
माघ ५, २०८०
मुग्लिन । मुग्लिन–नारायणगढ सडक खण्डबाट मंगलबार बिहान त्रिशुली नदीमा खसेको गाडी नदीबाट बाहिर निकालिएको छ। मंगलबार बिहान बजेको समयमा भारतीय नम्बर प्लेट बी आर ०९ जी सी १४३९ भएको गाडी त्रिशुलीमा खसेको थियो।
इच्छाकामना गाउँपालिका–५ स्थित ३ नम्बर पुल नजिकबाट मंगलबार बिहान त्रिशुली नदीमा गाडी खसेको भन्दै स्थानीयले प्रहरीलाई खबर गरेका थिए। ३ नम्बर पुलमा पुगेर हेर्दा नदी भित्र गाडीको बत्ती बलेको देखेपछि प्रहरीले खोजी गरेको थियो।
सशस्त्र प्रहरी बलका गोताखोरको टोलीले नदीभित्र पसेर खोजी गर्दा गाडी मात्रै भेटिएको थियो। गाडीका चालकसहित सवार व्यक्ति पनि नदीमा खसेको हुनसक्ने आशंकासहित खोजी गरिए पनि फेला परेका थिएनन्।
