फागुन १८ मा ‘अगस्त्य च्याप्टर १ रिलिज हुने
पुस १७, २०८०
काठमाडौं । सौगात मल्लका दुई ‘क्यारेक्टर पोस्टर’ सार्वजनिक गर्दै फिल्म ‘अगस्त्य’को प्रदर्शन मिति घोषणा गरिएको छ । निर्माताले फागुन १८ लाई प्रदर्शन मितिको रुपमा तय गरेका हुन् ।
उक्त दिनमा यो फिल्म नेपालसहित विश्वभर प्रदर्शन गर्ने निर्माताको तयारी छ । सौरभ चौधरी निर्देशित फिल्मको पोस्टरमा मल्ललाई ‘सौर्य’ नामक पात्रको रुपमा चिनाइएको छ ।
एउटा पोस्टरमा उनी एक्सन अवतारमा प्रस्तुत छन् भने अर्कोमा रेलवेमा हिंडिरहेको कुनै सडकछाप पात्रको रुपमा । यो फिल्मको सुटिङ भारतको गोरखपुर र नेपालका विभिन्न थलोमा गरिएको छ ।
