धादिङको गुम्दीमा जीप दुर्घटना हुँदा एक बालकको मृत्यु
अशोज २८, २०८०
धादिङ । धादिङ गंगाजमुना गाउँपालिका–४ गुम्दीमा जीप दुर्घटनामा परेको छ । धादिङबेसीबाट रिगाउँको तावल जाँदै गरेको मे १ ज २६६९ नंम्बरको जिप आफै अनियन्त्रित भई दुर्घटनामा परेको हो ।
दुर्घटनामा गंगाजमुना गाउँपालिका–२ का १४ वर्षीय अनुरोध तामाङको मृत्यु भएको छ । ३५ वर्षीय आकाश तामाङ, २२ वर्षीय साजन तामाङ, ३५ वर्षीय अनुप तामाङसहित दुई बालक घाइते भएका छन् । घाइतेहरुको गुम्दी स्वास्थ्य चैकीमा उपचार भइरहेको जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिए ।
ईलाका प्रहरी कार्यालय फुलखर्कका प्रहरी टोली र स्थानीयले घटनास्थलमा उद्धार गरेका थिए ।
