शिल्पीमा कालो अक्षर, रातो अक्षर
अशोज २३, २०८०
काठमाडौँ । शिल्पी थिएटरमा अखिल नेपाल स्वतन्त्र विद्यार्थी युनियन अनेरास्ववियुको प्रस्तुति रहेको नाटक कालो अक्षर, रातो अक्षरु मञ्चन भइरहेको छ । दिलिप खड्काको निर्देशनमा बनेको यो नाटक असोज १७ देखि २७ सम्म मञ्चन हुने भएको हो ।
आर. के.रोमसको लेखन र समिक बडालको परिकल्पना रहेको यस नाटकमा शिक्षा प्रणालीले हाम्रो संरचनामा पारेको प्रभाव, युवाहरुको बिदेसिने बाध्यता, विद्यार्थी आन्दोलनभित्रको समस्यालगायतका विषय उठाइएको छ ।
नाटकमा राजनीतिक संगठनमा आबद्ध नभएका कलाकारहरुको अभिनय छ । कलाकारहरु अनुप न्यौपाने, अजय लामा, दिपेश काफ्ले, बालकृष्ण रिजाल, मिलन कार्की, योगिन राई, रेनुनाथ योगी, रमिला मोक्तान, संगिता थापा, सञ्जिब राई, सुजैन सिलवाल, सुदिप खतिवडा, शान्ता राईले नाटकमा अभिनय गरेका छन् ।
