पहिरोका कारण मुग्लिन–पोखरा सडकखण्ड ठप्प
अशोज २१, २०८०
काठमाण्डौ । पहिरोका कारण पृथ्वी राजमार्ग अन्तर्गत मुग्लिन –पोखरा सडकखण्ड ठप्प भएको छ । बिहान सवा ४ बजे तनहुँको म्याग्दे–६ तुरतुरे मौरीबजारमा सुख्खा पहिरो खस्दा सडक अवरुद्ध भएको प्रहरीले जनाएको छ ।
पहिरो हटाउने काम भइरहेको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणले जानकारी दिनुभयो । तर, सुक्खा पहिरो झरिरहेकाले हटाउन समस्या भइरहेको छ । राजमार्ग अवरुद्व हुँदा सयौँ गाडी रोकिएका छन् ।
