बागमती प्रदेशसभामा ४ वटा विधेयक पेस
भदौ २४, २०८०
मकवानपुर । बागमती प्रदेशसभामा ४ वटा विधेयकहरू पेस भएका छन् । प्रदेशसभाको आइतबार बसेको बैठकमा सरकारका तर्फबाट ४ वटा विधेयकहरू संसदमा पेस गरिएको हो ।
प्रदेशसभामा विज्ञान प्रविधि तथा नवप्रवर्तन तथा विकास कोष सञ्चालन सम्बन्धमा व्यवस्था बनेको विधेयक, प्रदेश स्वास्थ्य सेवा ऐन २०७५ लाई संशोधन गर्न बनेको विधेयक, प्रदेश सञ्चार माध्यम व्यवस्थापन ऐन २०७५ लाई संशोधन गर्न बनेको विधेयक र प्रदेश कृषि विकास सम्बन्धमा व्यवस्था गर्न बनेको विधेयक पेस भएको हो ।
त्यस अघि प्रदेशसभाको शून्य समयमा सांसदहरूले धारणा राखेका थिए ।
