देशका केही भू–भागमा वर्षाको सम्भावना
भदौ १५, २०८०
काठमाडौ । हाल मनसुनको न्यून चापीय रेखा सरदर स्थानको उत्तरतिर अवस्थित छ। साथै बंगालको खाडीको उत्तर–पूर्वी भागमा न्यून चापीय प्रणाली विकसित भइरहेको छ ।
देशका केही भू–भागमा आज वर्षाको सम्भावना रहेको छ । मौसम पूर्वानुमान महाशाखाका अनुसार हल्कादेखि मध्यम वर्षाको सम्भावना रहेको हो । अहिले बिहान पहाडी भू–भागमा आंशिकदेखि सामान्य बदली रहेको छ । कोसी, वाग्मती र गण्डकी प्रदेशका एकदूई स्थानमा हल्का वर्षा भइरहेको छ ।
विभागले दिउँसो देशभर आंशिकदेखि सामान्य बदली रहने छ । कोसी, मधेस, वाग्मती र गण्डकी प्रदेशका थोरै स्थानमा हल्कादेखि मध्यम वर्षाको र बाँकी भू–भागका एकदुई स्थानमा हल्का वर्षाको सम्भावना रहेको महाशाखाले जनाएको छ ।
