महिला विश्वकप फुटबलमा अहिले जापान र कोस्टारिकाबीचको खेल चल्दै
साउन १०, २०८०
काठमाण्डौ । फिफा महिला विश्वकप फुटबलमा अहिले जापान र कोस्टारिका खेलिरहेका छन् । न्युजिल्याण्डको डुनेडिनमा रहेको फोर्सिथ बार स्टेडियममा भैरहेको खेलमा समूह ‘सी’ का जापान र कोस्टारिका खेलिरहेका हुन् ।
खेलको पहिलो हाफमा जापानले २ गोलको अग्रता लिएको छ । त्यस्तै आजको अर्को खेलमा समूह ‘सी’ कै स्पेन र जाम्बियाबीच दिउँसो सवा एक बजे खेल हुनेछ ।
आजै बेलुका पौने ६ बजे समूह ‘बी’ का क्यानडा र आयरल्याण्ड खेल्नेछन् । हिजो भएको खेलमा कोलम्बिया र फिलिपिन्स विजयी भएका छन् ।
स्विट्जरल्यान्ड र नर्वेले गोलरहित बराबरी खेलेका छन् ।
