साफ च्याम्पियनसिप ः बंगलादेश १४ वर्षपछि सेमिफाइनलमा
असार १४, २०८०
बेंगलुरु । साफ च्याम्पियनसिप सुरु हुँदा सबैको एकखाले अनुमान थियो सेमिफाइनल पुग्ने टिमबारेमा ।
धेरैलाई लागेको थियो, भारत त सेमिफाइनल पुग्छ नै, त्यसपछि दुवै आमन्त्रित टिम कुवेत र लेवनान पनि अन्तिम चारमा पुग्नेछन् । एउटै दुविधा थियो, चौथो टिम कुन हुनेछ त रु बुधबार यो प्रश्नले उत्तर पाएको छ । यो हो, बंगलादेश ।
आन्तरिक कलहकै कारण बंगलादेशी फुटबल पनि पछिल्लो समय विवादमा अल्झिरहेको छ । तर, यसलाई ओझेलमा पार्दै बंगलादेशले १४ वर्षपछि पहिलो पटक दक्षिण एसियाली फुटबलको सबैभन्दा ठूलो प्रतियोगिताको सेमिफाइनलमा स्थान बनाएको छ ।
बंगलादेश लिग चरणको अन्तिम खेलमा भुटानलाई ३–१ ले हराएर समूह ‘बी’ को उपविजेता बन्यो ।
