कुवेतलाई स्वागत गर्दै नेपाल
असार ६, २०८०
बेंग्लोर । इतिहास भनेकै संयोग न हो । इतिहासमा पात्र र प्रवृत्ति दोहोरिन्छन् । नेपालको पहिलो आधिकारिक अन्तर्राष्ट्रिय फुटबल प्रतिद्वन्द्वी हो कुवेत । सन् १९८२ को एसियाली खेलकुदमा नेपालले कुवेतको सामना गरेको थियो भारतीय भूमिमै ।
नेपालले त्यसको चार दशकभन्दा बढी समयपछि फेरि एकपल्ट त्यही कुवेतको सामना गर्न लागेको छ । पक्कै पनि परिस्थिति फेरिएको छ । यसपल्टको अवसर हो साफ च्याम्पियनसिप २०२३ । फेरि एकपल्ट भारतीय भूमि नै । यसपालि नयाँ दिल्ली होइन । दक्षिण भारतको ‘सिलिकन भ्याली’ सहर बेंग्लोरमा ।
