नागरिकतामा राष्ट्रपतिको निर्णयविरुद्ध रिट लिएर सर्वोच्च पुगे कानुन व्यवसायी
जेष्ठ १८, २०८०
काठमाडौं । नागरिकता विधेयक प्रमाणीकरण गर्ने राष्ट्रपति रामचन्द्र पौडेलको निर्णयविरुद्ध सर्वोच्च अदालतमा रिट पेश भएको छ ।
वरिष्ठ अधिवक्ता बालकृष्ण न्यौपाने र सुरेन्द्र भण्डारीले नागरिकता विधेयक प्रमाणीकरण गर्ने राष्ट्रपतिको निर्णयलाई मान्यता नदिन माग गर्दै सर्वोच्च अदालतमा रिट दिएका हुन् । वरिष्ठ अधिवक्ता भण्डारीले रिट दर्ता हुने क्रममा रहेको बताए ।
रिटमा नागरिकता विधेयक तत्काल कार्यान्वयन गर्न रोक लगाउन पनि माग गरिएको छ । त्यस्तै नागरिकतासम्बन्धी राष्ट्रिय नीति बनाउन र सोही नीतिका आधारमा नागरिकता ऐन र नागरिकता नियमावलीहरु परिमार्जनका लागि आदेश पनि माग गरिएको भण्डारीले बताए ।
