धादिङ ।
धादिङको बेनीघाट रोराङ गाउँपालिका–२ मासखर्कमा भिरबाट लडेर ८ महिनाको गर्भवती १९ वर्षिय अप्सरा चेपाङ र उनका दुइ वर्षिय छोराको ज्यान गएको जिल्ला प्रहरी कार्यालय धादिङका प्रहरी उपरीक्षक गौतम मिश्रले बताउनुभयो ।
‘श्रीमती अप्सरा ८ महिनाको गर्भवती थिइन् । म मकै गोड्न मेला गएको थिएँ । आमा छोरै भिरबाट लडेको थाहा पाएर आएँ । तर आमा छोरा कसैलाई पनि बचाउन सकिन । दुवैको ज्यान गयो,’ अप्सराकी श्रीमान उमेश चेपाङले बताउनुभयो ।
घाँस काट्न जादा आमासँगै डोकोमा हालेर छोरा साजन पनि लगेको र भिरबाट छोरा लडेपछि ज्यान बचाउने क्रममा आमा छोराको ज्यान गएको हुन सक्ने बेनीघाट रोराङ गाउँपालिका–२ का वडाअध्यक्ष हेमराज भुजेलले बताउनुभयो ।
करिव २ सय मिटर दुरीबाट लडेका दुइ वर्षिय साजनको घटनास्थनमै ज्यान गएको उहाँको भनाई छ । गोठालाहरुले देखेपछि अप्सराको भने उद्धार गरिएको थियो । तर मलेखु स्थित टिचिङ अस्पताल ल्याउने क्रममा बाटोमै उनको पनि ज्यान गएको वडा अध्यक्ष भुजेलले जानकारी दिनुभयो ।
अप्सराको पेटमा भएको शिशुको पनि ज्यान गइसकेको र शवको पोष्टमार्टमको लागि गजुरी प्राथमिक स्वास्थ्य केन्द्रमा ल्याइएको छ ।
मुख्य समाचारबाट थप समाचार
काठमाडौंको वायु अझै स्वस्थकर
सुनको भाउ तोलामा पाँच सय रुपैयाँले बढ्यो
नेपाली विदेश पढ्न जाँदा नौ महिनामा एक खर्ब बाहिरियो
गृहमन्त्री लामिछानेविरुद्ध मुद्दा दायर
काठमाडौंको वायु अझै स्वस्थकर
अफगानिस्तानमा बाढीबाट ३०० भन्दा बढीको मृत्यु
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८