काठमाडौं । इन्टर मिलानले लगातार दोस्रो सिजन कोपा इटालियाको उपाधि जितेको छ।
फाइनलमा फियोरेन्टिनामाथि २– १ गोलको जित हात पारेको हो। रोमस्थित स्टाडियो ओलम्पिकोमा भएको खेलमा सुरुवाती अग्रता लिएपनि फियोरेन्टिनाले जोगाउन सकेन। तेस्रो मिनेटमै निकोलस गोन्जालेसले गोल गरेका थिए।
च्याम्पियन्स लिगको फाइनालिस्ट इन्टर पहिलो हाफमै खेलमा फर्कियो। २९ औँ मिनेटमा लौतारो मार्टिनेजले गोल गर्दै खेल १–१ को बराबरीमा ल्याएका थिए। उनैले ३७ औँ मिनेटमा गोल गरेपछि इन्टर २–१ ले अघि रह्यो।
दोस्रो हाफमा इन्टरले आफ्नो अग्रता कायमै राख्दा फियोरेन्टिनाले गोल फर्काउन सकेन। दुवै टोली युरोपियन प्रतिस्पर्धाको फाइनल खेलको तयारीमा छन्। इन्टरले च्याम्पियन्स लिगको उपाधिका लागि ११ जुनमा प्रतिस्पर्धा गर्दैछ ।
यस्तै फियोरेन्टिनाले युरोपा लिगको फाइनलमा ७ जुनमा वेस्टह्यामको सामना गर्नेछ। मिलानले सिरी ए अन्तर्गत नापोलीसंग ३–१ गोलको हार बेहोरेको टिमबाट फियोरेन्टिनाविरुद्ध ९ खेलाडी परिवर्तन गरेको थियो। रोमेलु लुकाकुलाइ पनि बेन्चमा राखिएको थियो।
खेलकुदबाट थप समाचार
सन्दीप लामिछानेको मुद्दामा उच्च अदालतमा सुनुवाइ
क्रिकेट रंगशाला निर्माण सरकारको प्राथमिकतामा
आईपीएल क्रिकेटमा बेंगलुरुले पञ्जाबलाई ६० रनले हरायो
रियल म्याड्रिड च्याम्पियन्स लिगको फाइनलमा प्रवेश
पेट्रोलियम पदार्थको मूल्य घट्यो
सन्दीप लामिछानेको मुद्दामा उच्च अदालतमा सुनुवाइ
पहाडी क्षेत्रमा मौसम आंशिक बदली
क्रिकेट रंगशाला निर्माण सरकारको प्राथमिकतामा
गृहमन्त्री लामिछानेविरुद्ध मुद्दा दायर
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८