

हेटौंडा । बागमती प्रदेश सभाको आज बसेको बैठकमा आर्थिक मामिला तथा योजनामन्त्री बहादुर सिंह लामाले विनियोजन विधेयक २०८० प्रस्तुत गरेका छन्।
प्रदेश सभाको दोस्रो कार्यकालको १२ औँ बैठकमा मन्त्री लामाले प्रदेश सरकारको तर्फबाट प्रस्तुत हुने विनियोजन विधेयक २०८० को सिद्धान्त र प्राथमिकताको सम्बन्धमा प्रतिवेदन प्रस्तुत गरेका थिए।
आगामी आर्थिक वर्ष २०८०र०८१ का लागि प्रदेशभित्र गुणस्तरीय शिक्षा तथा स्वास्थ्य सेवाको प्रवाह र रोजगारीलाई उच्च प्राथमिकताका साथ कार्यान्वयन गर्दै लैजाने विषयलाई प्रतिवेदनमा उल्लेख गरिएको मन्त्री लामाले बताए।
उनले विपन्न नागरिकहरूलाई आर्थिक सबलीकरणका लागि कृषि उद्यमी र उत्पादनका लागि प्याकेज कार्यक्रम सञ्चालन गर्ने र साना उद्यमीहरूलाई उद्योग सञ्चालनका लागि सहुलियतपूर्ण ऋण उपलब्ध गराउनेतर्फ जोड दिए।
संघीय सरकारले मुलुकमा आर्थिक समृद्धितर्फ राजश्व संकलनलाई उच्च प्राथमिकतामा राखेको स्मरण गर्दै प्रदेश सरकारले पनि प्रदेशभित्र राजश्व संकलनलाई वैज्ञानिक प्रक्रिया अनुसार असुलीमा बृद्धि गर्ने लक्ष्यका साथ कार्यान्वयन गर्नेतर्फ सरकारको लक्ष्य रहेको उनले बताए।
मन्त्री लामाले विनियोजन विधेयक २०८० को सिद्धान्त र प्राथमिकताको सन्दर्भमा दफावार छलफल गरियोस् भनी प्रस्ताव टेबुल गरेका थिए। सो विधेयकमाथि भोलि पूर्ण बैठकमा दफावार छलफल हुने प्रदेश सभा सचिवालयका प्रमुख सचिव कृष्णहरि खड्काले जानकारी दिए।
बागमती प्रदेशबाट थप समाचार
काठमाडौं प्रशासन अगाडि राप्रपाको धर्ना
काठमाडौंको ढुंगेअड्डामा बसमा आगलागी
गाजामा खाद्यान्न प्रवेशको लागि इजरायलद्वारा स्विकृति
नेपाल पहिलो पटक विश्वकप महिला टी–२० को ग्लोबल छनोटमा
सिन्धुली अस्पतालको ‘बेड नम्बर ३३’
अवैध रूप समातिने सुनको साहु को हो ? सरकारलाई प्रश्न !
-
दोलखाबाट सङ्गिता तामाङको नाम सिफारिस
भदौ २७, २०७९ -
व्यावसायिक सतुवा खेतीबाट मनग्य आम्दानी
पुस ९, २०७७