काठमाडौ । मिलेमतोमा इन्टरनेटको मूल्य बढाउने सेवाप्रदायकहरूको तयारी अनुचित मात्र होइन, गैरव्यावसायिक पनि छ । यसबाट उपभोक्ताहरू नाजायज मूल्य तिर्न बाध्य मात्र हुनेछैनन्, उनीहरूको छनोटको अधिकार पनि खोसिनेछ, जुन हाम्रो राज्यव्यवस्थाले अपनाएको उदार अर्थतन्त्रकै विरुद्धमा हुनेछ ।
खुला अर्थव्यवस्थामा यसरी अवाञ्छित रूपमा साँठगाँठ गरी कुनै पनि सेवा वा वस्तुको भाउ बढाउने छुट व्यवसायीहरूलाई हुँदैन । तसर्थ, आफैं बजारव्यवस्थाको विरुद्धमा उभिन आँटेका इन्टरनेट सेवाप्रदायकहरूमाथि राज्यको नियामक निकायले उचित दृष्टि पुर्याउनुपर्छ ।
यी तिनै व्यवसायीहरू हुन्, जसमध्ये धेरैले केही समयअघिसम्म आफ्नो बजार विस्तारका लागि सबैभन्दा सस्तोमा इन्टरनेट दिन चर्को प्रतिस्पर्धा गरेका थिए । सेवाको गुणस्तरभन्दा पनि सबैको जोड ग्राहक संख्या बढाउनमा केन्द्रित थियो । अहिले ग्राहक संख्या विस्तारको एउटा तह पूरा भएपछि भने उनीहरू आपसी सहमतिमा नयाँ मूल्य कायम गर्न एकजुट भएका छन् ।
त्यति बेला घटाइएको मूल्य बढाएर समायोजन गर्नेमा उनीहरूबीच अनौपचारिक रूपमा भद्र सहमति भइसकेको छ । यसरी सुरुमा सस्तो सेवाको पासो थापेर पछि ‘प्राइस कार्टेल’ गरी मूल्य बढाएर ग्राहकविरुद्ध ठाडो ठगी गर्ने अधिकार कुनै पनि क्षेत्रका व्यवसायीलाई छैन ।
मुख्य समाचारबाट थप समाचार
गायक रवि ओड ५ लाख धरौटीमा रिहा
पश्चिम बंगालमा चट्याङ लागेर ११ जनाको मृत्यु
दुबै सदको संघीय संसद् अन्तर्गत बैठक आज बस्दै
चौथोपटक विश्वासको मत लिँदै प्रधानमन्त्री प्रचण्ड
नबिल बैंकको प्रमुखमा पुनः ढुङ्गाना नियुक्त
गायक रवि ओड ५ लाख धरौटीमा रिहा
पश्चिम बंगालमा चट्याङ लागेर ११ जनाको मृत्यु
-
दोलखाबाट सङ्गिता तामाङको नाम सिफारिस
भदौ २७, २०७९ -
जेठ २४ गतेसम्म निषेधाज्ञा थप
जेष्ठ १७, २०७८