आज प्रतिनिधिसभा बैठक बस्दै
बैशाख १५, २०८०
काठमाडौ । संघीय संसदअन्तर्गत प्रतिनिधि सभाको बैठक आज बस्दै छ । दिउँसो १ बजे बस्ने बैठकका लागि एउटा मात्र सम्भावित कार्यसूची रहेको छ । आजको बैठकमा सभामुख देवराज घिमिरेले १० वटा विषयगत संसदीय समिति मा रहेन प्रतिनिधि सभाका सदस्यहरूको नाम मनोनयनका लागि प्रस्ताव गर्ने कार्यसूची रहेको संसद् सचिवालयले जनाएको छ ।
प्रमुख राजनीतिक दलका शीर्ष नेताबीच समितिको नेतृत्वमा भागबन्डा मिलेपछि समितिले पूर्णता पाउन लागेको हो । संवैधानिक परिषद्सम्बन्धी विधेयक भने सम्भावित कार्यसूचीमा हटाएको छैन ।
दलहरूका बीचमा कुरा नमिल्दा संवैधानिक परिषद्सम्बन्धी विधेयक सम्भावित कार्यसूचीमै नअटाएको हो । विधेयक पारित नहुँदा प्रधानन्यायाधीश नियुक्तिका लागि सिफारिस हुन सकेको छैन ।
