सुनचाँदीको मूल्य बढ्यो
फाल्गुन २१, २०७९
काठमाडौ । सुनचाँदी बजारमा आज छापावाल सुनको मूल्य प्रतितोला तीन सय रुपैयाँले बढेको छ ।
आइतबार सुनको मूल्य तोलामा तीन सय रुपैयाँले बढेर आज एक लाख दुई हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । महासंघका अनुसार आज तेजाबी सुनको मूल्य प्रतितोला एक लाख दुई हजार तीन सय रुपैयाँ रहेको छ ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाँले बढेर एक हजार दुई सय ७५ रुपैयाँ पुगेको महासंघले जनाएको छ ।
