यलम्बर कप ब्याडमिन्टन च्याम्पियनसिप माघ १ देखि
पुस १२, २०७९
काठमाडौं । तेस्रो यलम्बर कप तथा प्रथम राष्ट्रव्यापी यलम्बर भेट्रान्स ब्याडमिन्टन च्याम्पियनसिप माघमा पहिलो साता आयोजना हुने भएको छ ।
नखिपोट युथ क्लब (ब्याडमिन्टन सर्कल)ले सोमबार सुम्निमा तपोखिममा पत्रकार सम्मेलन गर्दै प्रतियोगिता माघ १ गतेबाट ५ गतेसम्म आयोजना हुने जनाएको छ ।
प्रतियोगितामा मेन्स ओपन डबल्स (शीर्ष २ वरीयता बाहेक), सुपर भेट्रान्स डबल्स (५५ वर्षमाथि), भेट्रान्स डबल्स (४५ वर्षमाथि), मेडियम भेट्रान्स डबल्स (३५ वर्षमाथि), महिला एकल (शीर्ष २० वरीयता बाहेक) र पुरुष एकल १९ वर्षमुनि शीर्ष २० वरीयता बाहेक इभेन्ट्समा प्रतिस्पर्धा हुनेछ ।
नखिपोट युवा क्लबको ब्याडमिन्टन कोर्टमा आयोजना हुने प्रतियोगिताको मेन्स ओपन डबल्सको विजेताले ५० हजार, दोस्रोले २५ हजार र तेस्रो हुनेले २० हजार नगद पुरस्कार पाउने छन् ।
