काभा यू-२३ भलिबल प्रतियोगितामा नेपाल र श्रीलङ्का भिड्दै
पुस ८, २०७९
काठमाडौं । काभा यू–२३ अन्तर्राष्ट्रिय पुरुष भलिबल प्रतियोगितामा शुक्रबार नेपाल र श्रीलङ्का भिड्दै छन् ।
बङ्गलादेशको ढाकामा हुने खेलमा नेपाल र श्रीलङ्का नेपाली समयानुसार दिउँसो पौने ३ बजे आमने-सामने हुनेछन् । प्रतियोगितामा नेपाल पहिलो जितको खोजीमा रहेको छ । श्रीलङ्का पनि पहिलो जित निकाल्ने योजनामा रहेको छ । बिहीबार भएको खेलमा नेपाल बङ्गलादेशसँग ३-० ले पराजित भएको थियो । श्रीलङ्का भने किर्गिजस्तानसँग हारेको थियो । प्रतियोगितामा नेपाल, बङ्गलादेश, किर्गिजस्तान र श्रीलङ्काको सहभागिता रहेको छ । शनिवार हुने खेलमा नेपाल र किर्गिजस्तान आमने-सामने हुनेछन् ।
