४२ जना एमाले कार्यकर्ता माओवादीमा प्रवेश
कार्तिक २०, २०७९
काठमाडौं । एमालेका प्रदेश कमिटी सचिवालय सदस्यसहित ४२ जना नेता तथा कार्यकर्ता माओवादी केन्द्र प्रवेश गरेका छन् । आज दिउँसो अध्यक्ष पुष्पकमल दाहाल प्रचण्डको निवास खुमलटार पुगेर उनीहरुले टीका लगाएका हुन् ।
एमाले छाडेर माओवादी प्रवेश गर्नेमा बाग्मती प्रदेश कमिटी सचिवालय सदस्य रामकृष्ण लामा छन् । त्यसैगरी दोलखा जिल्ला कमिटी सदस्य पासाङ डोल्मा लामा,पूर्व जिल्ला कमिटी सदस्यहरु, विभिन्न वडा कमिटीका सदस्य तथा जनवर्गीय संगठनका पदाधिकारी तथा सदस्य रहेको बताइएको छ ।
