‘श्रमिकसँग श्रममन्त्री’ कार्यक्रम स्थगित
कार्तिक ६, २०७९
काठमाडौं । श्रम, रोजगार तथा सामाजिक सुरक्षा मन्त्रालयमा रहेको श्रम कल सेन्टरमार्फत मन्त्री शेरबहादुर कुँवरले हरेक आइतबार गर्ने ‘श्रमिकसँग मन्त्री’ साप्ताहिक कार्यक्रम स्थगित भएको छ ।
नेकपा एकीकृत समाजवादीको तर्फबाट अछामबाट उम्मेदवार मन्त्री कुँवर केही समयदेखि निर्वाचन क्षेत्रमा केन्द्रित भएका छन् । मन्त्रालयले मन्त्री नभए पनि सार्वजनिक ह्वाट्सएप, भाइबर तथा टोल फ्रि नम्बरबाट गुनासो टिपाउन आग्रह गरेको छ ।
मन्त्री कुँवरले केही महिना अघिदेखि प्रत्येक हप्ताको आइतबार बिहान ११ बजेदेखि १२ बजेसम्म सेवाग्राहीसँग प्रत्यक्ष रूपमा समस्या तथा गुनासो सुन्ने कार्यक्रम सुरुवात गरेका थिए । मन्त्रालयले उक्त कार्यक्रम केही समयको लागि स्थगित भएको जनाएको छ ।
