काठमाडौं महानगरले फुटपाथबाट हटाएकी शर्मीलालाई हर्क साम्पाङले एक महिनाको तलब दिने
अशोज २८, २०७९
काठमाडौं । धरान उपमहानगरपालिकाका मेयर हर्क साम्पाङले काठमाडौं महानगरपालिकाले थापाथलीस्थित फुटपाथबाट हटाएको शर्मीला तामाङलाई एक महिनाको तलब दिने घोषणा गरेका छन् ।
‘यी बहिनी को हुन्रु यिनलाई मेरो एक महिनाको तलब पठाइदिने घोषणा गर्दछु ! जय मान्छे !’ , शुक्रबार सामाजिक सञ्जाल फेसबुकमा तामाङको तस्वीर राख्दै साम्पाङले लेखेका छन् ।
थापाथलीमा ठेलागाडामा सामान बेचेर जीविका चलाउँदै आएकी शर्मीलालालाई काठमाडौं महानगरपालिकाले त्यहाँबाट हटाएको थियो । उनको ठेलागाडा पनि महानगर प्रहरीले नियन्त्रणमा लिएको छ ।
महानगरले ठेलागाडा लगेपछि तामाङको पीडादयी तस्वीर सामाजिक सञ्जालमा व्यापक भएको छ । धेरैले काठमाडौं महानगरको उक्त कदमको कडा आलोचना गरेका छन् ।
