नेपालमा थप ५३ जनामा कोरोना संक्रमण
अशोज १०, २०७९
काठमाडौं । नेपालमा पछिल्लो २४ घण्टामा थप ५३ जनामा कोरोना भाइरस (कोभिड–१९)का संक्रमित थपिएका छन । सोमबार पीसीआर परीक्षणबाट ३९ तथा एन्टिजेनबाट १४ संक्रमित पाइएको स्वास्थ्य तथा जनसंख्या मन्त्रालयले जनाएको छ ।
त्यस्तै ८४ जना संक्रमणमुक्त भएका छन । हाल सक्रिय संक्रमितको संख्या १ हजार १७८ रहेको छ । जसमा काठमाडौंमा मात्रै ४७९ संक्रमित रहेका छन । त्यस्तै ललितपुरमा १६८ तथा भक्तपुरमा २० संक्रमित रहेका छन । सक्रिय संक्रमितमध्य १० जना आईसीयूमा रहेका छन । अहिलेसम्म नेपालमा कोरोनाबाट १२ हजार १७ जनाको ज्यान गइसकेको छ ।
