प्रभु क्यापिटलको यहि भदौ ३१ गते वार्षिक साधारण सभा हुने
भदौ २३, २०७९
काठमाडौं । प्रभु क्यापिटल लिमिटेडको यहि भदौ ३१ गते वार्षिक साधारण सभा हुने भएको छ । कम्पनीको भदौ ६ गते बसेको सञ्चालक समितिको बैठकले गरेको निर्णय अनुसार चौधौ वार्षिक साधारण सभा भाद्र ३१ गते होटल एलफ्ट छाँया सेन्टर काठमाडौँमा दिनको १२ः३० बजेका लागि आह्वान गरेको छ ।सभामा कम्पनीको सञ्चालक समितिको बैठकले गत आर्थिक वर्षको मुनाफाबाट कम्पनीका शेयरधनीहरूलाई चुक्ता पूँजीको ९ प्रतिशत लाभांश(कर सहित) वितरण गर्ने प्रस्ताव पारित गरिनेछ ।
यसैगरी, सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७८/७९ को वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको आर्थिक वर्ष २०७८/७९ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ । सभामा आर्थिक वर्ष २०७९/८० को लागि लेखापरीक्षक नियुक्ति गरी पारिश्रमिक पनि तोकिनेछ ।
हेर्नुहोस यो सुचना
