आइतबारको तुलनामा सोमबार १०० रुपैयाँले बढ्यो सुनको मूल्य
भदौ २०, २०७९
काठमाडौं। सोमबार नेपाली बजारमा सुनको मूल्य बृद्धि भएको छ । नेपाल सुचाँदी व्यवसायी महासंघका अनुसार आइतबार प्रतितोला ९३ हजार ६०० रुपैयाँमा कारोबार भएको सुनको मूल्य आज सोमबार प्रतितोला ९३ हजार ७०० रुपैयाँमा कारोबार भएको जनाएको छ ।
हिजो आइतबारको तुलनामा आज सोमबार सुनको मूल्य प्रतितोला १०० रुपैयाँले बढेको हो । हिजो प्रतितोला ६०० रुपैयाँले बढेको थियो । महासंघका अनुसार आज तेजाबी सुनको मूल्य प्रतितोला ९३ हजार २०० रुपैयाँ रहेको छ। यस्तै चाँदीको मूल्य पनि बढेको छ। हिजो आइतबार प्रतितोला १ हजार ११० रुपैयाँमा कारोबार भएको चाँदी आज ५ रुपैयाँले बढेर प्रतितोला १ हजार ११५ रुपैयाँमा कारोबार हुने महासंघले जनाएको छ।
