६ बुँदे मागसहित भदौ २७ देखि अनसन सुरु गर्ने डा केसीको घोषणा
भदौ १२, २०७९
काठमाडौं । पटक पटक अनसन बस्दै आएका डा गोविन्द केसीले पुनः अनसनको मिति तय गरेका छन् । डा केसीले आईतबार पत्रकार सम्मेलन गर्दैं स्वास्थ्य क्षेत्र र अन्य सरोकारका आफूले उठाएका माग विषय लगाएत विभिन्न ६ बुँदे मागसहित अनसनको घोषणा गरेका छन । उनले आगामी भदौ २७ देखि अनसन सुरु गर्ने घोषणा गरेका हुन । तोकिएको दरबन्दीअनुसारको क्षमताभन्दा बढी बेडमा चलिरहेका सरकारी अस्पतालहरूको दरबन्दी तत्काल हालको बेड संख्याअनुसार बढाइनुपर्ने, गुणस्तरीय स्वास्थ्य सेवा दिनुपर्ने, आधारभूत स्वास्थ्य सेवा निःशुल्क गरिनुपर्ने, स्थानीय निकायको बजेटको आधा हिस्सा स्वास्थ्य क्षेत्रमा लगानी गरिनुपर्ने, अवैधानिक स्वास्थ्य संस्थाहरूमाथि नियन्त्रण गरिनुपर्नेलगायतका माग उनले अघि सारेका छन ।
