सिट बाँडफाँट गर्न बनेको कार्यदलको बैठक बस्दै, आजै टुंग्याउने तयारी
भदौ ८, २०७९
काठमाडौँ। आगामी प्रदेश सभा र प्रतिनिधि सभा सदस्यको निर्वाचनका लागि सिट बाँडफाँट गर्न बनेको कार्यदलको बैठक बिहिवार आज पनि बसिने भएको छ ।। बैठक साँझ ५ बजे प्रधानमन्त्रीको सरकारी निवास बालुवाटारमा बस्नेछ । आजकै बैठकबाट सिटको बारेमा टुंगो लगाउने गठबन्धनबीच सहमति भएको छ । भदौ ६ गते बसेको बैठकमा सिट बाँडफाँटको विषय सहमति नजिक पुगेको बताइएको थियो । सञ्चारमन्त्रीसमेत रहेका कांग्रेस नेता ज्ञानेन्द्रबहादुर कार्कीले सिट बाँडफाँटको विषय निष्कर्ष नजिक पुगेको बताएका थिए ।
