खप्तड लघुवित्तको आइपीओ खुल्यो, कति र कहिले सम्म दिने आवेदन ?
भदौ ८, २०७९
काठमाडौं । खप्तड लघुवित्तको भदौ ८ गते अर्थात आजबाट सर्वसाधारणका लागि आइपीओ बिक्री खुला भएको छ । बिक्री प्रबन्धकको रुपमा प्रभु क्यापिटल लिमिटेड रहेको कम्पनीले सर्वसाधारणका लागि प्रतिकित्ता १०० अंकित मूल्यका १ लाख ३२ हजार कित्ता सेयर निष्काशन तथा बिक्री खुला गर्न लागेको हो । कुल सेयरमध्ये २ हजार कित्ता कर्मचारीहरुका लागि, ६ हजार ६ सय कित्ता सामूहिक लगानी कोषहरुमा सुरक्षित गरिएको छ भने बाँकी रहेको १ लाख २३ हजार ४०० कित्ता सर्वसाधारणका छुट्याएको छ ।
कम्पनीको आईपीओमा न्यूनतम १० कित्तादेखि अधिकतम १ हजार ३२० कित्तासम्म आवेदन दिन सकिनेछ । उक्त आईपीओमा छिटोमा भदौ १२ गते र ढिलोमा भदौ २२ गतेसम्म आवेदन दिन सकिने कम्पनीले जनाएको छ ।
