उपत्यकामा १८ जना बन्दकर्ताहरु प्रहरी नियन्त्रणमा
भदौ ७, २०७९
काठमाडौँ । काठमाडौँ उपत्यकामा बन्द तथा सवारीसाधन तोडफोड गर्ने १८ बन्दकर्ताहरुलाई प्रहरीले नियन्त्रणमा लिईएको छ । मंगलबार उपत्यकामा नेपाल बन्द गराउन सडकमा निस्केका १८ जनालाई पक्राउ गरेको उपत्यका प्रहरी कार्यालयका प्रवक्ता (एसपी) सन्तोष सिंह राठौरले जानकारी दिए।
केही बन्दकर्ताहरुले बिहानै महानगरको गाडी तोडफोड गरेका थिए । नेत्रबिक्रम चन्द (विप्लव) नेतृत्वको नेपाल कम्युनिस्ट पार्टी सहित ४ पार्टीले मंगलबार अमेरिकासँग गरिएको एमसीसी सम्झौता खारेज गर्नुपर्ने, महंगी नियन्त्रण गर्नुपर्ने लगायतका माग राखेर बन्द आवहान गरेका थिए ।
