भदौ ८ गतेदेखि खप्तड लघुवित्तको आईपीओ आउँदै, कति र कहिलेसम्म दिने आवेदन ?
साउन ३०, २०७९
काठमाडौं । खप्तड लघुवित्त वित्तीय संस्थाले आगामी भदौ ८ गते देखि आईपीओ निष्काशन गर्ने भएको छ । कम्पनीको आईपीओ निष्काशन तथा बिक्री प्रवन्धकमा प्रभु क्यापिटल लिमिटेड रहेको छ । कम्पनीले प्रतिसेयर १०० रुपैयाँ अंकित मूल्यका १ करोड ३२ लाख रुपैयाँ बराबरको १ लाख ३२ हजार कित्ता आईपीओ निष्काशन तथा बिक्री खुला गर्न लागेको हो ।
कुल सेयरमध्ये २ हजार कित्ता कर्मचारीहरुका लागि र सर्वसाधारणका लागि ६ हजार ६०० कित्ता सेयर सामूहिक लगानी कोषहरुलाई सुरक्षित गरिएको छ भने बाँकी रहेको १ लाख २३ हजार ४०० कित्ता सर्वसाधारणका लागि छुट्याएको छ। कम्पनीको आइपीओमा छिटोमा भदौ १२ गते ढिलोमा भदौ २२ गतेसम्म आवेदन दिने सकिने बताइएको छ । उक्त आईपीओमा न्यूनतम १० कित्तादेखि १ हजार ३२० कित्तासम्मका लागि आवेदन दिन सक्नेछन् ।
