अमेरिकाको फ्लोरिडामा गोली चल्यो, ७ जना घाइते
साउन १६, २०७९
न्युयोर्क। अमेरिकाको फ्लोरिडाको डाउनटाउन ओर्लान्डोमा भएको सामूहिक गोलीकाण्डमा ७ जना घाइते भएका छन् । स्थानीय समयअनुसार आइतबार बिहान २ बजे अज्ञात आक्रमणकारीले एउटा हाते बन्दुक निकालेर भीडमा गोली हानेका थिए । आक्रमणमा सात जना घाइते भएका सीएनएनले जनाएको छ । सीएनएनका अनुसार घाइते सबैलाई स्थानीय अस्पतालमा भर्ना गरिएको छ । आक्रमणकारीबारे प्रहरीले थप केही जानकारी दिएको छैन । गैरसरकारी संस्था गन भ्वायलेन्स अर्काइभका अनुसार यो वर्ष कम्तीमा ३८१ जना घाइते भएका छन् ।
