संसदीय छानबिन समितिले सभामुखलाई प्रतिवेदन बुझाउने
साउन १३, २०७९
काठमाडौं । पूर्वअर्थमन्त्री जनार्दन शर्मामाथि छानबिनका लागि गठन भएको संसदीय समितिले आज (शुक्रवार) सभामुखलाई प्रतिवेदन बुझाउँदैछ। करको दर हेरफेर गरेको आरोप लागेका अनधिकृत व्यक्तिहरूमाथि भने समितिले कुनै छानबिन नगरि प्रतिवदन बुझाउन लागेको हो। चालु आर्थिक वर्षको बजेट निर्माणमा अनाधिकृत व्यक्ति प्रवेश गराइ करका दर हेरफेर गरिएको भन्दै संसद्ले छानबिन समिति गठन गरेको थियो। समितिले पूर्व अर्थमन्त्री शर्मासहित अर्थ मन्त्रालयका अधिकारीसँग जाँचबुझ, सीसीटीभी फुटेजको अध्ययन गरेर प्रतिवेदन तयार गरेको हो । गत असार २२ गते संसद्ले ११ सदस्यीय विशेष समिति गठनको घोषणा गरेको थियो । संसदीय विशेष छानबिन समिति गठन गरिएसँगै तत्कालीन अर्थमन्त्री जनार्दन शर्माले पदबाट राजीनामा दिएका थियो ।
