लगानीकर्ताका समस्या मौद्रिक नीतिमार्फत् सम्बोधन हुनुपर्छ : शेखर गोल्छा
असार २६, २०७९
काठमाडौं। नेपाल उद्योग वाणिज्य महासंघका अध्यक्ष शेखर गोल्छाले लगानीकर्ताका समस्या मौद्रिक नीतिमार्फत् सम्बोधन हुनुपर्ने बताएका छन् । महासंघले आज आयोजना गरेको माैद्रिक नीति सम्बन्धी अन्तरक्रिया कार्यक्रममा बाेल्दै उनले सेयर बजार संलग्न ५० लाख भन्दा बढी डिम्याट हाेल्डरहरूकाे समस्या मौद्रिक नीतिमार्फत् सम्बोधन हुनुपर्ने बताएका हुन् ।
यस्तै उनले बाह्य कर्जा लिन कन्ट्री रेटीङ एकदमै आवश्यक रहेकाे बताए । यसाे भएमा निजी क्षेत्रले पनि बैंकबाट कर्जा लिन पाउने भन्दै उनले देशकाे लागि याे एकदमै जरूरी रहेकाे बताए । साेही कार्यक्रममा बाेल्दै उनले भने, “आयातमा शतप्रतिशत मार्जिनकाे कुरा छ । यसले बजारमा Inflation मात्रै लिएर आएकाे छ । यसमा पुनर्विचार हुनुपर्छ । यसले महङ्गी बढेकाे छ ।”
