दक्षिण अफ्रिकाको एक बारमा गोली चल्दा १४ जनाको मृत्यु
असार २६, २०७९
एजेन्सी। दक्षिण अफ्रिकाको सोवेटो टाउनसीपको एक बारमा गोली चल्दा १४ जनाको मृत्यु भएको छ। स्थानीय प्रहरीका अनुसार उक्त घटना आइतबार रातिको हो। प्रहरी घटनास्थलमा पुग्दा १२ जनाको मृत्यु भइसकेको थियो। घाइते ११ जनालाई अस्पताल पुर्याइएको थियो। उपचारका क्रममा घाइतेमध्ये थप दुई जनाको पनि मृत्यु भएको स्थानीय प्रहरीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन्। घटना भएको स्थान दक्षिण अफ्रिकाको राजधानी जोहान्सवर्गदेखि दक्षिण–पूर्वमा छ।
