शुक्रबार सुनको मूल्य स्थिर
असार २४, २०७९
काठमाडौं । शुक्रबार नेपाली बजारमा सुनको मूल्य स्थिर छ भने चाँदीको मुल्य घटेको छ। नेपाल सुनचाँदी व्यवसायी महासंघका अनुसार आज सुन प्रतितोला ९४ हजार छ सय रुपैयाँमा कारोबार भइरहेको छ । अघिल्लो दिन पनि सुन सोही मूल्यमा कारोबार भएको थियो ।
त्यसैगरी, आज चाँदी प्रतितोला ११ सय ७५ रुपैयाँमा कारोबार भइरहेको छ । बिहीबार भने चाँदी प्रतितोला ११ सय ८५ रुपैयाँमा कारोबार भएको थियो । यसर्थ, अघिल्लो दिनको तुलनामा आज चाँदीको मूल्य प्रतितोला १० रुपैयाँ घटेको हो । यो साता सुन–चाँदीको मूल्यमा लगातार गिरावट देखिएको छ । साताको पहिलो दिन सुन प्रतितोला ९७ हजार पाँच सय रुपैयाँ र चाँदी प्रतितोला १२ सय रुपैयाँमा कारोबार भएको थियो ।
