डलरको भाउ हालसम्मकै उच्च
असार १६, २०७९
काठमाडौं । नेपाली बजारमा आज पनि डलरको मूल्यले नयाँ कीर्तिमान बनाएको छ । अमेरिकी डलरको खरिद दर १२६ रुपैयाँ ०५ पैसा र बिक्री दर १२६ रुपैयाँ ६५ पैसा कायम भएको नेपाल राष्ट्र बैंकले जनाएको छ । डलरको यो मूल्य हालसम्मकै उच्च हो । बुधबार डलरको खरिद दर १२५ रुपैयाँ ७४ पैसा र बिक्री दर १२६ रुपैयाँ ३४ पैसा कायम भएको थियो । पछिल्लो दिनहरूमा डलरको भाउले लगातार कीर्तिमान बनाइरहेको छ ।
