अमेरिकामा क्रिकेट क्रेज बढ्दो, लगानी पनि थपिदैँ

एजेन्सी । अमेरिकाको राष्ट्रिय खेल बेस बल हो । तर, विश्व खेलकुदमा फुटबल र क्रिकेटको फ्यान फ्लोयिङको संख्या धेरै रहेको छ । विश्व खेलकुदमा जसै जसै फुटबल र क्रिकेटको फ्लोअर्सहरु बढ्दै छन् यसको प्रभाव पनि क्रमश बढ्दै जान थालेका छ । विगतमा युरोपका केही देशहरुमा मात्रै क्रिकेट खेलिन्थ्यो भने अहिले अरु देशहरुले पनि क्रिकेटमा लगानी गर्दै छन् ।

अर्को महादेश अमेरिकामा पनि अहिले क्रिकेटको चाम बढ्दै गएको पाइन्छ । अमेरिका अहिले आईसीसी विश्वकप लिग टू पनि खेलिरहेको छ । अमेरिकामा क्रिकेट कल्चर बढ्नुको अर्को कारण भनेको एशियाली महाद्वीप अझ भनौं भारतीय खेलाडीहरुको बाहुल्यता बढ्नु हो । भारतीय खेलाडीहरुमा रहेको क्रिकेट प्रतिको लगावका कारण अमेरिकामा क्रिकेटको माहोल बढ्न थालेको न्यूयोर्क टाइम्सले लेखेको छ ।

अमेरिका आफैमा आर्थिकरुपले सम्पन्न देश भएकाले पनि क्रिकेटमा लगानी पनि गरिरहेको छ ।  अमेरिकामा भारतीय मात्र नभई अन्य विदेशीहरुले पनि क्रिकेटको लोकप्रियता र विकासका लागि करिव १५ सय करोड नेपाली रुपैया -१२ करोड डलर) लगानी गर्ने तयारीमा रहेका छन् ।अमेरिकन क्रिकेट इन्टरप्राइज(एसईई)ले मेजर लिग क्रिकेटलाई व्यवसाहिक बनाउन उक्त रकम प्राप्त गरेको छ । २०२२–२०२३ को अन्त्यसम्ममा एमएलसीले टी–२० क्रिकटको रोमाञ्चकता अमेरिका ल्याउने तयारी गरेको छ । यसमा अमेरिका र विश्वभरका शीर्ष खेलाडीहरु समावेश गर्नेछ ।

समीर मेहता, विजय श्रीनिवासन, सत्यन गजवानी र वितीत जैन एसीईका संस्थापक हुन् ।

आईपीएल क्लब कोलकत्ता नाइटराइर्डसमा शाहरुख खानको संलग्रतापछि यो पैसा प्राप्त भएको हो । लगानीकर्ताहरुमा माइक्रोसफ्टका सिईयो सत्य नडेला, पेटिएमका संस्थापक विजयशेखर शर्मा, पूर्व ह्याट्सएपका कार्यकारी निरज अरोरा, फेसबुक र ड्रप बक्सका पूर्व सीटिओ आदित्य अग्रवाल र सिएटलमा आधारित मद्रोना भेन्चर समूहका एमडी समासेगर छन् ।

सिएटलकी सिभिक बडीकी अध्यक्ष क्लाउडिया बाल्डुचुलीका अनुसार आफ्नो व्यापारमा बृद्धिसँगै क्रिकेटप्रतिको चासो बढेको छ र धेरै मानिसहरु विश्वको दोस्रो लोकप्रिय खेलमा सामेल हुन चाहेका छन् ।

युएसटी ग्लोबलका बरिष्ठ ग्राहक साझेदार फणी चितनैनी बाल्यकाल देखि नै भारतको क्रिकेट खेल्दै आएका छन् ।
२१ वर्षअघि अमेरिका आएपछि पनि उनको क्रिकेटप्रतिको मोह घटेको छैन् ।  आज अमेरिकामा क्रिकेटको क्रेज बढ्दै गएको देखेर उनीहरु खुसी मात्र छैनन् तर उनीहरुले मानिसहरुलाई खेलसँग संलग्न हुन र यसको पूर्वाधार विस्तार गर्न पनि मद्दत गरिरहेका छन् ।

रंगशालामा लगानी बढ्दै
मेजर लिग क्रिकेटको लगानीको रकमबाट क्रिकेट रंगशाला र कोचिङ सेन्टर बनाइने छ जहाँबाट नयाँ पुस्ताका  स्टार क्रिकेटर तयार हुनेछन् ।

सियाटलमा मेरिमुर क्रिकेट पार्क बन्ने भएको छ जहाँ विश्वकप लगायतका क्रिकेटका अन्य अन्तराष्ट्रिय प्रतियोगिता हुनेछन् । एमसीएलले अमेरिकामा क्रिकेटको सम्भावनालाई वास्तविकतामा परितणत गर्ने छ भनेर एक लागानीकर्ता समसेगर बताउछन् ।

सियाटल बन्यो अमेरिकाको क्रिकेट हव
नँया टोलीमा लगानी गरेका एरिक्सनका कार्यकारी सलमान ताज भन्छन्, सियाटलमा धेरै प्रविधिसँग सम्बन्धीत कम्पनीहरु आउँदैछन् । क्रिकेट खेल्ने र मन पराउनेहरुको जमात अहिले अमेरिकामा बढ्दै गएका छन् ।
एमसीएल टोली सियाटल थन्डरबोल्ट टेक्नोलोजी एक्जिक्यरटिभको लागानीमा निर्माण गरिएको हो जो अहिले क्रिकेटको प्रशंसक रहेका छन् ।

यसैबीच आईसीसीले टेक्सासको मोसा स्टेडियमलाई अनुमोदन गरेको छ । यो अमेरिकाको दोस्रो र विश्वको २१३औं अन्तराष्ट्रिय एकदिवसीय मान्यता प्राप्त क्रिकेट मैदान रहेको छ ।
मोसा स्टेडियममा हालै नेपालले अमेरिका र ओमानसँग त्रिकोणात्मक एक दिवसीय सिरिज खेलेको छ ।
(एजेन्सीबाट, साभार)