११ वर्ष पछि ‘मेरो बोली सुन्दा’को फिमेल भर्सन सार्वजनिक
असार १०, २०७९
काठमाडौं । ११ वर्ष अघि सार्वजनिक भएको गीत ‘मेरो बोली सुन्दा’को फिमेल भर्सन सार्वजनिक भएको छ । सुजाता केसीको आवाजमा गीत सार्वजनिक भएको हो । मेल भर्सनमा रुपक डोटेलले यो गीतलाई गाएका थिए । मुनाल शिशिर कोइरालाको शब्द तथा नरहरि प्रेमीको संगीत रहेको यस गीतलाई उदय राज पौडेलले संगीत संयोजन गरेका हुन् ।
म्युजिक भिडियोमा दिक्पाल कार्की, रोशनी कार्की र इष्टु कार्की फिचर्ड छन्। सुजन श्रेष्ठले छायाँकन गरेको भिडियोलाई दिन्सन शाहले सम्पादन गरेका हुन मुनाल शिशिर कोइरालाको निर्देशनमा भिडियो तयार पारिएको हो ।
भिडियो गायिका केसीको आधिकारिक च्यानल ‘सुजाता केसी’ मार्फत सार्वजनिक भएको हो। यसअघि गायिका केसीको स्वरमा समावेश ‘बतास बनी’, ‘जाल बुन्यो माकुराले’, ‘कुरा सिधा छ’ लगायत थुप्रै गीतहरु सार्वजनिक भैसकेका छन् ।
