नेपाल वायु सेवा निगमका अध्यक्ष अधिकारी निलम्बनमा
असार ७, २०७९
काठमाडौं । नेपाल वायु सेवा निगमका अध्यक्ष युवराज अधिकारी निलम्बनमा परेका छन् । सोमबार (हिजो)बसेको मन्त्रिपरिषद्को बैठकले उनलाई निलम्बन गरी जाँचबुझको कार्य अगाडि बढाउने निर्णय गरेको मंगलवार पत्रकार सम्मेलनमा सरकारका प्रवक्ता एवं सूचना तथा सञ्चारमन्त्री ज्ञानेन्द्र बहादुर कार्कीले जानकारी दिए ।
निगमका अध्यक्ष अधिकारी र संस्कृति, पर्यटन तथा नागरिक उड्डयन मन्त्री प्रेम आलेबीच विवाद भएको थियो । विवादका क्रममा मन्त्री आलेले उनीमाथि हातपात तथा अभद्र व्यवहार नै गरेको समाचार प्रकाशित भएसँगै सरकारले अधिकारीलाई निलम्बन गर्ने निर्णय गरेको हो ।
