गायन क्षेत्रमा फर्किईन समीक्षा
असार ५, २०७९
काठमाडौं /गायन र सामाजिक सञ्जालबाट टाडा भएकी गायिका समीक्षा अधिकारी पुनः गायन क्षेत्रमा फर्किएकी छन् । गायनमा फर्किएसँगै उनले सक्रियता समेत बढाउन थालेकी छन् । ८ दिनअघि उनको स्वरमा सार्वजनिक ‘चिना र जोखाना’बोलको गीत यतिबेला युट्युब ट्रेन्डिङमा छ । उनको ‘झरी बनी आउन’ बोलको गीत सार्वजनिक हुने क्रममा छ ।
त्यस्तै उनले अर्को ‘बोलाउँदा बोलिसिन्न’ बोलको गीत पनि रेकर्ड गराइसकेकी छन् । उक्त गीत केही दिनमै भावना म्युजिक सोलुशनमार्फत सार्वजनिक हुने उनले सामाजिक सञ्जालमा उल्लेख गरेकी छन् । सानै उमेरमा थुप्रै लोकप्रिय गीत गाउन सफल समीक्षाले चलचित्र ‘नाइँ नभन्नु ल–५’को ‘फेरि कहाँ आउँछ र घुमेर, यो बालापनको उमेर’गीत गाएर गायनमा प्रवेश गरेकी थिइन् । उनका थुप्रै गीत करोड क्लबमा छन् ।
