भारतका प्रधानमन्त्रि मोदी लुम्बिनिमा पुजाआजा गर्दै
जेष्ठ २, २०७९
लुम्बिनी । छिमेकी मुलुक भारतका प्रधानमन्त्री नरेन्द्र मोदी नेपालको औपचारिक भ्रमणको सिलसिलामा नेपाल आउनुभएको छ । भारतीय वायुसेनाको विशेष हेलिकोप्टरबाट आज ११ सदस्यीय प्रतिनिधिमण्डलको नेतृत्व गर्दै उहाँ नेपाल आइपुग्नुभएको हो । मोदी बुद्ध जयन्तिको अवसर पारेर लुम्बिनि भ्रमण एवं पुजाआजाका लागि नेपाल आउनुभएको हो । यो उहाँको पहिलो लुम्बिनि भ्रमण भएको बताइएको छ ।
नेपालका प्रधानमन्त्री शेरबहादुर देउवाले अन्तरराष्ट्रिय बौद्ध प्रार्थना केन्द्र तथा प्रेक्षालय नजिक निर्माण गरिएको हेलिप्याडमा भारतीय समकक्षी मोदीलाई स्वागत गर्नुभएको थियो । भारतका विशिष्ट अतिथिलाई प्रधानमन्त्री देउवाकी धर्मपत्नी डा आरजु राणा देउवा, गृहमन्त्री बालकृष्ण खाण, परराष्ट्रमन्त्री डा नारायण खड्का, भौतिक पूर्वाधार तथा यातायातमन्त्री रेनुकुमारी यादव, संस्कृति, पर्यटन तथा नागरिक उड्डयन मन्त्री प्रेमबहादुर आले, शिक्षा, विज्ञान तथा प्रविधिमन्त्री देवेन्द्र पौडेलले स्वागत गर्नुभएको थियो । साथै लुम्बिनी प्रदेशका मुख्यमन्त्री कुलप्रसाद केसी, नेपाल सरकारका मुख्य सचिव शङ्रदास बैरागी, परराष्ट्र सचिव भरतराज पौडेल, भारतका लागि नेपाली राजदूत डा शङ्कर शर्मा, काठमाडौँस्थित भारतीय राजदूतावासका कार्यवाहक राजदूत नाम्या खम्पालगायतले पनि पनि भारतका विशिष्ठ अतिथिलाई हार्दिक स्वागत गर्नुभएको थियो ।
हेलिकोप्टरबाट ओर्लिएपछि एकत्रित भएका सर्वसाधारणलाई हात हल्लाएर अभिवादन गर्नुभयो । यसपछि भारतका प्रधानमन्त्री मोदीले लुम्बिनि स्थित मायादेवी मन्दिरमा पूजाअर्चना गर्नुभएको छ । उहाँ आजै भारत फर्कने तय भएको बताइएको छ ।
