टिपरको ठक्करबाट कलंकीमा आज एकको मृत्यू
बैशाख २८, २०७९
काठमाडौं । आज काठमाडौंको कलंकीमा टिपरको ठक्करबाट एकजना मोटरसाइकल चालकको मृत्यु भएको छ । बिहान करिब ३ बजे काठमाडौंको कलंकी चोकमा भएको सो दुर्घटनामा परि धादिङको धुनिवेशी नगरपालिका-२ घर भएका ४५ वर्षीय दिवाकर अधिकारीको मृत्यु भएको प्रहरीले जनाएको छ ।
थानकोटबाट स्वयम्भुतर्फ आइरहेको बा ५ ख ७३४५ नम्बरको टिपरले सोही दिशामा रहेको बा ८० प ६३७३ नम्बरको मोटरसाइकललाई ठक्कर दिएको हो । दुर्घटनामा परि गम्भीर घाइते भएका अधिकारीको त्रिवि शिक्षण अस्पताल महाराजगञ्जमा उपचारको क्रममा मृत्यु भएको उपत्यका ट्राफिक प्रहरी कार्यालयले जनाएको छ । टिपर चालकलाई कालीमाटी प्रहरीले नियन्त्रणमा लिएको बताइएको छ ।
