नेपालमा विगत ६ महिनामा खोप खरिद शिर्षकमा ६ अर्ब ३४ करोड रुपैयाँ खर्च
पुस २२, २०७८
काठमाडौं । चालु आर्थिक वर्षभित्र नेपालमा कोभिड-१९ विरुद्धको खोप खरिद शिर्षकमा ६ अर्ब ३४ करोड रुपैयाँ खर्च भएको देखिएको छ ।
स्वास्थ्य तथा जनसंख्या मन्त्रालयलाई गत साउनमा चीनबाट खोप खरीद गर्ने प्रयोजनका लागि ५ अर्ब २४ करोड रुपैयाँ रकमान्तर निकासा स्वीकृति गरिएको अर्थमन्त्रालयले जनाएको छ ।
साथै सोही महिनामा खोप खरिद र ढुवानी प्रयोजनका लागि भन्दै थप १ अर्ब १० करोड ५० लाख रुपैयाँ समेत रकमान्तर निकासा लिइएको अर्थ मन्त्रालयले सार्वजनिक गरेको खर्च विवरणमा उल्लेख गरिएको देखिन्छ ।
मन्त्रालयलाई विनियोजना भएको भैपरि आउने बजेट शीर्षकबाट साधारण प्रशासनमा रकमान्तर गरि खोप खरिदमा यो बजेट खर्च गरिएको जनाइएको छ ।
