साउथ एसियन महिला भलिबल च्याम्पियनसिप नेपालमा आयोजना हुने
पुस १३, २०७८
काठमाडौं । साउथ एसियन महिला भलिबल च्याम्पियनसिप अर्को वर्ष नेपालमा आयोजना हुने भएको छ । हिजो बंगलादेशको राजधानी ढाकामा बसेको सेन्ट्रल एसियन भलिबल एसोसिएसन (सीएभीए)को जेनरल एसेम्ब्लीले यस्तो निर्णय गरेको हो ।
एसियन सेन्ट्रल जोन पुरुष र महिला भलिबल च्यालेन्ज कप हाल ढाकामा संचालन भइरहेको छ । सीएभीएको आयोजनामा साउथ एसियन भलिबल आयोजना हुने भएको हो । जसमा महिलाको प्रतियोगिता नेपालमा हुनेछ भने पुरुषतर्फको साउथ एसियन भलिबल च्याम्पियनसिप श्रीलंकामा आयोजना हुनेछ ।
यस्तै साउथ एसियन राष्ट्रहरु बिचको भलिबल खेल बंगलादेशमा हुने भएको छ । भने एसियन सेन्ट्रल जोन महिला र पुरुष र भलिबल प्रतियोगिता अर्को वर्ष माल्दिभ्समा हुने बताइएको छ ।
