यसै बर्षभित्र रेल सेवा सञ्चालनमा ल्याइने भौतिक पूर्वाधार तथा यातायात मन्त्री रेणुकुमारी यादवको भनाई
मंसिर १४, २०७८
काठमाडौं । यसै बर्षभित्र रेल सेवा सञ्चालनमा ल्याइने भौतिक पूर्वाधार तथा यातायात मन्त्री रेणुकुमारी यादवको भनाई छ ।
सरकारले खरिद गरेको दुई वटा रेल कर्मचारी र कानून अभाव लगायतका कारणले झण्डै ८ महिनादेखि थन्काइएर राखिएको अवस्थामा मन्त्री यादवले यसै बर्षभित्र रेल सञ्चालनमा आउने बताएकि हुन् । जयनगर–जनकपुरधाम रेलवेको ट्रयाक निरिक्षण गर्दै मन्त्री यादवले पहिलो चरणमा ३५ किलोमिटर दुरीमा रेल सञ्चालनमा ल्याउने तयारी गरिरहेको र यसको लागि कर्मचारीको व्यवस्था गर्न लागेको बताएकी छन् ।
भारतीय सीमा जयनगरदेखि जनकपुरधामको कुर्थासम्म चल्ने रेल सञ्चालनका लागि सम्पूर्ण प्राविधिक तयारी पूरा भइसकेको छ ।
